Circuitu Autores nel camín 2023

Guillermo Menéndez Quirós recibió nel 2022 el Premiu Alfonso Iglesias de cómic n’asturianu cola obra Ana María. La Llobera d’Asturies.

Guillermo Menéndez Quirós (La Felguera, 1994) ye autor de cómic y novela gráfica. Formóse na Escuela d’Arte d’Uviéu, na Facultá de Belles Artes de Salamanca y na del País Vascu. En Bilbao empezó a desarrollar el so interés pol cartelismu y la historieta, lo que lu llevó a collaborar en dellos fanzinos y revistes, p’acabar desenvolviendo la propia obra. Ye autor de Galdós. Un escritor en Madrid (2020), Milicias vascas antifascistas (2021), Herederos de Euskalduna (segundu puestu nel concursu de cómic del Muséu Marítimu de Bilbao) y Desindustrialización y resistencia (accésit nel concursu Art Nalón). Anguaño alcuéntrase volcáu na novela gráfica viniente: Cumbres en pie de guerra. La batalla del Mazucu, sobre l’episodiu más representativu de la resistencia republicana cuando la cayida del Frente Norte.