Aclamáu internacionalmente pola so musicalidá y sensibilidá esquisita, Dúo Cassadó namora tanto al públicu como a la crítica especializada gracies a la so orixinalidá y carisma. Artista esclusivu de Warner Classics, Dúo Cassadó actuó n’auditorios y festivales de sonadía de tol mundu y recibió’l reconocimientu del públicu y de la crítica internacional. Dúo Cassadó actuó n’España, Francia, Italia, Alemaña, Suiza y Portugal y fixo xires per Israel, Canadá, Colombia, Ecuador, Arxentina, Marruecos, Túnez, Exiptu, Xordania, China, Corea del Sur y Xapón. El so discu Rapsodia del Sur recibió’l sofitu de la Fundación BBVA, escoyéronlu ente los meyores discos del añu y gallardonáronlu col Melómanu d’Oru.

Dúo Cassadó publicó Rojo, onde fixo la primer grabación mundial de Fantasía Española, escrita por Ernesto Halffter. La prensa internacional catalogóla como una grabación de referencia y una de les meyores del añu. Hypnotik, el so trabayu discográficu nuevu, publicáu nel 2022 por Warner Classics, tuvo’l sofitu del Departamentu de Cultura del Gobiernu Vascu.