El dúu Hoffman-Dars ye una formación versátil creada en Bruseles nel 2016 qu’actuó en Bélxica, Lituania, Países Baxos, Alemaña y Italia.

Natania Hoffman, violonchelista italoamericana, actuó como músicu de cámara y solista n’Europa, Estaos Uníos, China, Nueva Zelanda y India, cola Orchestre Royal de Chambre de Wallonie, la Orquesta de Cámara de Namur, la Orquesta Sinfónica de Cincinnati y la Orquesta Cívica de Lakeland. Col tríu Agora ganó’l primer premiu nel Concursu de Música de Cámara Anton Rubinstein 2018 y publicó un CD, Connecting Identities, con Odradek Records 2020. Ye profesora de música de cámara nel Conservatoriu L. Canepa de Sassari, Italia.

Monika Dars, pianista lituana, tocó n’Europa, Estaos Uníos, Suramérica, China y Canadá. Collaboró cola Orquesta de Cámara de la Filarmónica Nacional de Varsovia, la Orquesta de Cámara de Lviv, la Sinfónica Estatal de Lituania, la Sinfónica de Kaunas y actuó con F. Helmerson, J. Grimm, Ph. Grafin y D. Guerrier. Col cuartetu de pianu Urban ganó los concursos de música de cámara Supernova 2019 y Nordic Strings. Nel 2021, Monika llevó’l premiu Parnasu d’Oru de la Podkarpacka Fundacja Rozwoju Kultury,  Polonia.

Esti recital nel Centru Niemeyer van formalu les obres Cuatro Miniatures de Anatolijus Šenderovas, Sonata n.u 1 en mi menor, op. 38 de Johannes Brahms y Sonata pa violonchelu y pianu op. 40 de Dmitrij Shostakovich.