Hai mas de venti años, Carlos Alba decidió ispirase na figura del so bisgüelu maternu, Cellero, pa echar monólogos asturianos. De magar entós nun dexó d’actuar, pasando de la recuperación de los testos tradicionales a l’anovación del xéneru.

Nesta ocasión, baxo’l títulu Cellero el monologuista, preséntase una selección de testos d’autores que podemos considerar "clásicos" del xéneru. Ye por tanto una propuesta venceyada más a la cultura tradicional, bien afayaíza pa facer en cualquier espaciu, y a la que puede amestase una pequeña charra sobre’l xéneru.