Circuitu de cultura tradicional asturiana

Una de les estayes más desconocíes dientro del desendolcar de la música tradicional asturiana de les últimes tres décades ye’l desarrollu técnicu y estéticu de tres instrumentos de cuerda fundamentales: el bouzouki, la guitarra y el vigulín. Los instrumentos de cuerda fueron per importantes nel devenir musical, tanto del folk, como de la música tradicional d’anguaño pero, con too ello, inda siguen guardando dos hestories entá nun contaes na so profundidá y trescendencia.  L’oxetivu de l’actividá ye afondar nel conocimientu del vigulín, la guitarra y el bouzouki n’Asturies, enseñar los sos usos y formes y, sobre too, fomentar que’l públicu s’avere al mundu de la música tradicional asturiana dende una charra participativa y didáctica al traviés de la visión actual d’un músicu y Luthier multidiplinar.