Circuitu de lliteratura

Trátase d’un taller de periodismu pa neñes y neños, basáu n’elementos de los cuentos tradicionales. Combina llectura, escritura, creación plástica y composición periodística. Empieza cola llectura y conversación sobre’l mundu de los cuentos, usando como filu conductor el llibru Noticias EncantHadas, de Colin y Jacqui Hawkins. Amás, esplícase la estructura d’un periódicu y organícense equipos con repartu de xeres: responsable de xestión, de redacción, d’información gráfica, de composición/maquetación...

De siguío, escríbense y ilústrense noticies, garraes de les llectures feches y de la imaxinación de caún. Tamién s’usen otres creaes en talleres previos, combinando fontes y tamaños de lletra, organizando’l conteníu en columnes, etc.

A lo último, úsase’l material impreso y lo creao con delles técniques pa componer a mano una primer plana de periódicu. Cada participante va llevar a casa un exemplar.