Con una industria del entretenimientu dixital cada día más potente y onde más persones formen parte del desenvolvimientu d’un videoxuegu, paez malo d’imaxinar qu’una persona sola y ensin conocimientos de programación seya quién a facer ún. Sicasí, existen programes y ferramientes que lo faen posible y namás se precisa un poco d’imaxinación. Narrando con opciones d’un menú en cuenta de lletres sobre’l papel, cualquiera pue crear una historia interactiva.