Circuitu de música

Odón García y Alfredo González son dos nomes propios nel campu de la música asturiana. Dambos rellacionaos de dalguna manera con Tinéu, el propiu conceyu foi culpable d’esti "nexu" nun alcuentru improvisáu que se dio dientro de les muries del Palaciu de Merás. Aquel día, con un pianu de cola, nació un proyectu que mez la tonada asturiana cola llírica y lo clásico, siempre con un pie puestu na modernidá. Ensin partitures, ensin micrófonos, cantando y cuntando lo que dicten los cantares, como una historia d’amor interpretada pa que’l públicu la vea ensin pantalles.

Titúlase Nexos porque la xuntura, amás de la fuercia, fai’l calor. Y de calor vive la que tien amores. Hai llinies paraleles que namás se xunten cuando l’infinitu ye la solución y esti ye ún de los casos. Odón y Alfredo, Alfredo y Odón, que nun pueden ser más distintos nin más iguales y que, evidentemente, axuntáronse pa igualanos. ¡Na emoción!