Dirección: Javier Fesser

Añu: 1988

Duración: 104 min

Llingua: español

Ficha completa de la película

Nel 25 aniversariu de la estrena de la película, el dúu musical Fetén Fetén pon música en directo a esta obra de cultu del cine absurdu español. La formación, compuesta por Diego Galaz y Jorge Arribas, son dos enamoraos del baille popular, de la verbena de pueblu y de les tonaes qu’animaben les places de lo que se llama agora la España vaciada. Col espíritu de revitalizar esi soníu alcontráronse cola recuperación d’instrumentos insólitos: el serruchu, el violín trompeta o la flauta siella de camping, encaxen como aniellu al deu nel universu creáu por Fesser pa El milagro de P. Tinto.

Na so infancia más tenra, el neñu P. Tinto tien una revelación: el so propósitu na vida ha ser la procreación d’una descendencia abundante. Quince años depués, P. Tinto y Olivia, una muyer ciega y tacaña, formen un llar nun valle aislláu pol que namás pasa, cada venticinco años, l’Espreso Pendular del Norte. Los P. Tinto deseen tener fíos, pero pasen los años y nun lleguen. Cincuenta años depués, dos marcianinos a los que se-yos averió l’ovni lleguen al sitiu, y los P. Tinto piensen que se trata de los sos fíos. Al mesmu tiempu, apaez per ellí Usillos, un chapuces a domiciliu qu’empieza a causar estropicios y, amás, obsesiónase cola idea de cazar marcianos.

La programación cinematográfica ufiertada por Llaboral Cinemateca ta coordinada pol Festival Internacional de Cine de Gijón/Xixón (Divertia Gijón SA)