Pequeños de cine
Xixón, 21/02/2021 17:30
Cine
Llaboral Cinemateca
C/ Luis Moya Blanco, 261
3302 Xixón
T: 902 306 600 / 985 185 860
Información Covid-19 pal públicu asistente a eventos na Llaboral
Preciu: 4€; Reducíu: 3€ pa socios del Club Cultura Asturies, comunidá Uniovi y Carnet Mozu Asturies
Venta d´entraes: Llaboral Ciudá de la Cultura, Centru Niemeyer y Entraes Liberbank
Existe un cine destináu a les audiencies más moces y al públicu familiar que tien como oxetivu, amás de proporcionar entretenimientu y contaxar fascinación, ufiertar a esti públicu conteníos diversos, alternativos y anovadores queyos dexen medrar como espectadores críticos. Una clas de cine que desgraciadamente atopa pocu acomodu nos ámbitos comerciales del audiovisual y que comparte con Llaboral Cinemateca una vocación pola formación d’espectadores nuevos con una mirada más abierta y plural.
Nesta sesión discurrida a costafecha pal públicu infantil y juvenil, axuntamos obres orixinales y estimulantes acorrompinaes d’idees y encantu, munches d’elles con una trayectoria exitosa en festivales nacionales y internacionales.
Marmalad
Radostina Neykova (Bulgaria, 2020) 5 minutos
Dacuando, si quies ser un héroe, namás tienes que volar. Animación innovadora de bordáu a mano.
Paraguas
José Prats, Álvaro Roblès (Francia, España, 2020) 12 minutos
Nun pueblu remotu nel que nun para de llover, Kyna, de seis años, pasa’l tiempu xugando allegremente, atechada de la lluvia baxo la barba paragües de Din, el pá. Una nueche, Nana, la so perrina querida, desapaez. P’atopala, Kyna va tener qu’enfrentase a lo que más miéu tien nel mundu, la lluvia.
Les vêtements
Caroline Blais (Canadá, 2019) 9 minutos
La historia del día a día d’una moza y la so rellación cola ropa a lo llargo de les estaciones. Una oda conmovedora a la guapura microscópica que nos arrodia, onde la ropa que llevamos se convierte en protagonista de los nuestros recuerdos y alcordances.
Urban Oasis
Hervé Bressaud (Francia, 2020) 9 minutos
Atrapáu nel ritmu de vida urbanu, un habitante de la ciudá ve la so rutina diaria alteriada cuando atopa un páxaru estrañu na parte d’abaxo del so edificiu. Entós descubre la esistencia d’una biodiversidá urbana inesperada y comparte’l so descubrimientu colos habitantes del so distritu.
Lea salvaje
María Teresa Salcedo (Colombia, 2020) 9 minutos
Depués de caer d’un árbol, a LEA, una gata de la cai setosa y solitaria, cuídala CIRO, un muñecu de trapu que la lleva pa casa d’él y presénta-y a la familia: coses rotes y abandonaes pol mundu de los humanos y arreglaes por él. Nesti llugar, Lea tien qu’enfrentase a lo difícil y gupo de tener amigos, enllenando de diversión, descontrol y tarrecimientu toles coses que viven ellí.
Blue & Malone: Casos imposibles
Abraham López (España, 2020) 20 minutos
Berta, una periodista moza comida pol estrés, visita’l teatru vieyu onde trabayaba la güela primero de que lu echen abaxo, pero nun ta abandonáu dafechu. Mortando Malone y Big Blue Cat, los sos antiguos amigos imaxinarios, van ayudalu a resolver un casu imposible: recuperar les ganes de suañar.