Circuitu d´actividaes de artes visuales

Un proyeutu de: Juan Falcón

Esti conxuntu d´obres son una confluencia d´intereses fondos, qu´impliquen diálogos ente lo público y lo privao, l´enseñar o non la intimidá, el grau d´exhibición y censura pública. Destaquen reflexones sobre la naturaleza de los oxetos que pasen a quedar inútiles y evoquen l´ausencia del mundu del que fueron parte orixinalmente, como una sensación d´ausencia y tiempu perdíu.

E-LIFE son una serie de pieces que, ente otres coses, enfréntennos con elementos clave pa comprender los itinerarios de la cultura visual contemporánea y representa un percorríu que nos val p´articular les idees sobre´l conocimientu, el pensamientu, la memoria y el poder humanu.