Un proyectu de Begoña Antón

Como una ventana a territorios que paecen asitiase a mediu camín ente la realidá y la ficción, la esposición Sobre brujas, perros, elfos y otras realidades fantásticas acueye cuatro proyectos de l’artista Bego Antón, que dan a conocer histories, mundos y práctiques que pueden resultar exóticos pa los nuestros güeyos, ser minoritarios o tar asitiaos directamente nos márxenes de lo normativo.

Na obra, onde la distancia de la mirada documental convive cola recreación y la puesta n’escena, hai elementos que pueden caracterizase como raros, improbables o irreales, adientrándonos en realidaes onde lo fantástico paez surdir con tola naturalidá. Esta esposición ye una invitación a adientrase nes realidaes fantástiques presentes na obra d’Antón, onde lo que consideramos como raro, sobrenatural o desavezao conviértese en natural dientro d’un paradigma propiu, manifestando asina una capacidá sutil pa cuestionar l’estatutu de lo real.

Rutas del Arte

 Conocer de manera prestosa y didáctica la historia que s’escuende tres de cada obra de la mano d’espertos ye lo que busquen les rutes d’arte.