Circuitu de narración oral

Alredor del llume los cuentos narraos oralmente caltienen la llaparada de la imaxinación, dan calorín, espierten, calmen, esparden, agudicen l’inxeniu y presten.

Esti espectáculu narrativu axunta una selección de cuentos populares del mundu, adaptaos a los nuestros díes, con finales zarraos y felices que pueden dir acompañaos de retafiles, cosadielles, cantares y romances del folklore popular infantil.