Circuito d´artes escéniques

Margarita García ye una moza monxa miembru de la congregación Les hermanes de Santa Florina Madalena que, viendo apeligrar el futuru del so centru social por falta de liquidez, decide tratar d’estafar al Bancu Vizcaya con una quiniela falsa de catorce resultaos. Pa ser a ello, engaña a la so hermana, Susi, trabayadora d’una whiskería, pa que se faiga pasar por empleada d’otru bancu y asina convencer a la directora del Vizcaya pa que -yos dea’l dineru.

Una comedia de situación basada nun socesu real socedíu na sucursal del Bancu Vizcaya de la plazuela del Seis d’Agostu n’avientu del añu 1980, onde una muyer salió de la sucursal con dos millones de pesetes debaxo del brazu en conceptu d’anticipu depués de dexar en depósitu una quiniela deportiva falsa. Una historia qu’enllenó titulares de noticies nel Xixón de los primeros años ochenta.