El Kanka ye un artista fechu a sí mesmu d’una manera artesanal, ensin priesa, pero ensin posa, dexando reposar la so carrera como se fai col bon vinu.
Puede presumir de ser ún de los artistes más emponderaos del territoriu español, algamando un gran reconocimientu non solo nel so país sinón en munchos territorios llatinoamericanos.

Agora vuelve a los escenarios cola so xira Cosas de los vivientes tres 15 meses dende que nos dixere adiós de manera indefinida. La xira va empezar en Murcia nel mes de marzu y va percorrer gran parte de la xeografía española y llatinoamericana.

Mentes la so ausencia, l’artista malagueñu nun dexó de trabayar; muestra d’esto, el so quintu trabayu de duración llarga: catorce cantares que van formar parte del repertoriu nuevu de los sos directos xunto a los yá conocíos por toos, Canela en rama, Qué bello es vivir o Por tu olor.