Circuitu d´actividaes musicales

Acompañamientu musical de películes mudes.

Nos últimos años, col apoyu d’instituciones como’l Festival Saco o la Fundación Princesa d’Asturies, César Latorre protagonizó bien de cine-conciertos n’escenarios como’l Teatru Campoamor, l’Auditoriu Príncipe Felipe o la Fábrica d’Armes d’Uviéu.

D’un catálogu de 30 películes, ente elles llargumetraxes y curtiumetraxes, esti pianista adapta la instrumentación a cada película y escenes, valiéndose de dellos teclaos, percusiones y efectos. El llinguaxe ye improvisatoriu amás de compositivu.

Ente otros títulos puen destacase les representaciones de Tiempos modernos (producción orixinal realizada pa los Premios Princesa d´Asturies del pasáu añu), El maquinista de la xeneral, El gabinete del doctor Caligari o Number Please.

El llinguaxe del jazz, la música clásica y contemporánea, xuníes a pincelaes d’humor y espresionismu son los materiales básicos d’estos cine-conciertos.