Volvemos entamar les visites nocherniegues a la Ciudadela que tantu éxitu tuvieron nes ediciones anteriores. Vamos sacar les sielles pa tomar el frescu y compartir con vosotros les nueches de branu nel patiu de Capua.
Estes visites especiales van dexar conocer cuálos yeren los momentos d’espardimientu de los homes y muyeres que vivieron na Ciudadela y cómo compartíen esi tiempu de descansu depués del trabayu. A lo llargo de más d’un sieglu, vamos percorrer nueches festives y tamién enllutaes, guiaos polos testimonios de quien vivieron nel Patiu de Capua.