Un proyectu de: Genaro Menéndez Gutiérrez

Genaro, artesanu ebanista, fixo la reproducción de los barcos de vapor que formaron la flota marinera de Candás dende últimos de los años 20 del sieglu XX hasta los años 50.

Pola tipoloxía, los más d’ellos correspuéndense con buques propulsaos por máquina y caldera de vapor, xunto a otres embarcaciones motorizaes pertenecientes a les modalidaes de motopesqueros, motores, traineres y botes.

Genaro fixo estes répliques a partir de semeyes de caún de los barcos que reproduz y de les informaciones de marineros del llugar.
Anque les maquetes nun se fixeron a escala, l’autor reproduz con gran detalle les característiques d’estes embarcaciones.