Circuitu d´actividaes de cultura tradicional asturiana

La Banda Gaites Xiranda naz nel branu del añu 2000 de la unión de miembros de dos asociaciones, Trebolgu y Colloto Mozo, cola mira de difundir la música asturiana, cuntando nel so repertoriu con temes tradicionales y composiciones propies.

Nestos 20 años de trayectoria, la banda participó en milenta fiestes y festivales a lo llargo de tola xeografía asturiana, nacional y internacional, presentando una propuesta innovadora y fresca dafechu dientro del panorama musical d’anguaño que sorpriende al públicu en xeneral, tanto no musical como na puesta en escena.