Hamlet, d’Ambroise Thomas, con llibretu de Jules Barbier y de Michel Carré basáu na traxedia homónima de William Shakespeare, estrenóse na Ópera de París en 1868 con gran éxitu. La ópera harmoniza elementos de la grand opéra, como exe fundamental, xunto a les influyencies de Gounod y de la orquesta de Berlioz. Esta mezcla d’estilos artísticos da como resultáu una obra enforma atractiva, con ocasiones escelentes pal llucimientu de los cantantes. La estructura del llibretu presenta de manera clara los episodios fundamentales de la traxedia shakespeariana, onde’l personaxe protagonista convirtióse nun personaxe dramáticu de calter universal porque ye un iconu de la conciencia humana.