Circuitu d´actividaes musicales

La banda asturiana Ruidos rueda per Asturies presentando’l so álbum nuevu Hablemos entre líneas. Con gran habilidá manexen con fluidez estilos musicales distintos como’l pop, rock, surf, punk, garage, psicodelia, reggae o ska creando una etiqueta propia.

Fundada por Juan Martínez en 1982, tres de la ruptura de Madson, en 1992 graben el primer discu, onde s’incluye’l tema “Si te gustan los toros mata a los toreros”, canción polémica vetada por muchos medios d’aquel tiempu pola so lletra antitaurina. Esi mesmu añu lleguen a la final del Festival de Benidorm Edición Rock, eliminando a más de 650 bandes nacionales.

Nel 2014 graben el so segundu LP, Nací cigarra, en Magoo Studio, l’estudiu de grabación fundáu por Juan Martínez, cantante y baxista del grupu, toa una declaración de principios onde la banda s’afianza como tríu.