El Teatru Campoamor d’Uviéu inaugura’l ciclu llíricu 2022/2023 cola estrena mundial de la ópera La dama del alba, de Luis Vázquez del Fresno. El compositor asturianu foi, y sigue siendo, ún de los compositores más activos y renomaos del panorama musical asturianu. La so obra abarca cuasi tolos xéneros y pasa per munchos territorios estéticos, dende l’adaptación y asimilación de material folclórico hasta la música indeterminada. El llibretu, tamién del compositor, inspírase na obra de teatru La dama del alba, del escritor asturianu Alejandro Casona. Drama rural onde l’amor y la fuercia vital lluchen por imponese al dolor y a les falcatrúes d’una muerte seductora.