Circuitu d‘actividaes temátiques Cuadonga 2022 - Camín de los Santuarios

Justina y Jacinta formen una ñaque (compañía ambulante de teatru que ta compuesta por dos cómicos) y percuerren toles rutes, caminos, víes, calzaes, carreteres, travesíes, pistes, siendes, carreros, cais, aveníes, bulevares, rondes, paseos... cuntando les histories que lleven nel so carrín, dende les qu’escribieron los grandes clásicos hasta les más populares, ente elles la Batalla de Cuadonga.

Esta atopáronla de casualidá cuando diben pel camín de Cuadonga (esi que va de Xixón a Cuadonga y pasa per Sietes) y, de sópitu, viéronse llanzando morillos ente moros y cristianos. De la esperiencia vivida cúntennos agora dalgo de verdá, dalgo de ficción, pero siempre con bon humor.