Circuitu d’actividaes temátiques Xacobéu 2022

El primer peregrino ye una gymkhana dixital sobre’l Camín de Santiago que conmemora l’Añu Santu Xacobéu y pon en valor, dinamiza y promociona los recursos turísticos, culturales, patrimoniales y naturales del itinerariu.

Les gymkhanes dixitales son percorríos guiaos en forma d’aventura per una zona previamente establecida, bien seya n’interior o esterior. Nestos percorríos introduzse un componente de xuegu que dexa esplorar una zona o una temática en concreto d’una forma diferente, con xuegos de lóxica, pruebes y enigmes qu’espierten l’interés de les persones participantes, conociendo los atractivos más importantes de determinada temática o un aspectu concretu d’un tema de la que ponen a prueba’l so inxeniu y pasen un pedazu prestosu.