Circuitu de cultura tradicional asturiana

Esti conciertu recupera la figura del pelegrín como tresmisor cultural al traviés de la historia, les distintes motivaciones pa entamar el pelegrinaxe, la so rellación cola rodiada, patrimoniu, tradición y los contestos xeográficos y sociales.

Presenta un repertoriu musical qu’abarca dende la tradición medieval hasta composiciones contemporánees asturianes inspiraes nel Camín, pasando pela reinterpretación de la música tradicional y grandes clásicos.

El filu narrativu, el calter multiinstrumental de los músicos, el vestuariu, el conceptu visual nel escenariu, la variedá del repertoriu, les introducciones a les pieces, contestualizaciones, anécdotes, interactividá, faen del conciertu un espectáculu únicu y accesible pa tolos públicos, tanto l’aficionáu como l’oyente interesáu de toles edades.