Circuitu de lliteratura

Recital de poemes de cuatro poetes asturianes qu´entamen a publicar nel sieglu XXI. Nacíes nos años 80 del sieglu XX les más d´elles, nun siendo Esperanza Medina, que ye de los 60, publiquen na segunda década del sieglu XXI y nelles van poder sentise les distintes voces que les conformen, que les aniaron y les fixeron ser lo que son: muyeres fíes y ñetes (les más) del feminismu, muyeres qu´escriben n´asturianu ensin complexos y que yá tienen detrás d´elles un corpus lliterariu que-yos val de refente, tanto obres d´autoría femenina como masculina. 

Pa falar un pelín de caúna de les poetes y poétiques contamos cola tamién poeta Ángeles Carbajal, qu´en unos 10 minutos fadrá un perfil de caúna delles. Depués, en rotación de dos poemes, dirán recitando les cuatro poetes, hasta acabar el tiempu estipuláu.