Fusa y Corchea son dos princeses rivales, que nun se lleven bien porque son mui distintes. Sicasí, van tener que ponese d’alcuerdu pa salvar el Reinu de los Cuentos. Al traviés de xuegos interactivos, cuentos y cantares en directo, l’alumnáu d’Educación Primaria va ayudar a les protagonistes a concluyir que, tomando bones decisiones n’equipu, too funciona meyor.

¿Les neñes tienen que ser perfectes, portase como "señorites", pa consiguir cualquier cosa que quieran? Les princeses respuenden, con ayuda del públicu, a estes y otres preguntes.