Circuitu d´actividaes de lliteratura

La poesía, como la pintura, tresmite conceptos, pensamientos, reflexones espirituales, sentimientos y hasta realidaes oxetives pero siempre baxo´l prisma de la visión propia de la persona poeta o artista. ¿Con qué elementos trabaya´l poeta? ¿Con cuálos trabaya l´artista gráficu? ¿Hai elementos comunes?

Gracies a delles práctiques, Ester Sánchez, Premiu Nacional d´Edición nel 2008, 2013 y 2014, va esplicar el procesu d´ellaboración d´un poemariu ilustráu como ye´l casu de Versonajes, qu´escribió Aurelio González Ovies y ilustró Sánchez, estableciendo conexones ente arte y poesía y trabayando la imaxe de la poesía.