Fundáu en 2015 pol violinista Daniel Pinteño, Concerto 1700 naz cola intención d´interpretar obres que tomen dende la etapa más temprana del barrocu hasta los primeros rellumos del Romanticismu d´una manera históricamente informada. Anguaño ye ún de los grupos relevantes del panorama historicista español gracies al so virtuosismu y fantasía tímbrica que la crítica emponderó en delles ocasiones.

Destaca´l llabor de recuperación del patrimonio musical olvidáu, n´especial de compositores y maestros de capilla españoles del sieglu XVIII. Autores que, por un motivu o otru, quedaron arrequexaos na solombra del olvidu, son agora rescataos y interpretaos por esti grupu respetando los cánones musicales propios del so momentu.