Circuitu d´artes escéniques

Dende que nacemos pónennos a prueba tolos díes. Examínennos. Xúlguennos. Esto ye xusto lo que-y pasa a la nuestra protagonista: preséntase a un casting que, por la so profesión, podía ser unu más, pero pa ella nun lo ye. Nun yue un “NON” más. Esi día dalgo pasa. Dalgo-y pasa a ella y fai-y reflexonar sobre la so vida. Pa ello apóyase nes grandes muyeres de la lliteratura dramática universal. Fala con les sos palabres y siente col cuerpu, como lo facíen Lisístrata, Laurencia, Adela, Helena de Troya... Y nes grandes canciones de la copla española, la que siempre sintió en casa, aquelles que cantaben les grandes folclóriques. Canciones que siempre suañó con interpretar énte un públicu entregáu. Y resulta que, frutu de la so imaxinación, pue por fin cumplilo.