Espectáculu musical innovador, didácticu, prestosu y teatralizáu diseñáu pa tola familia. Padres y fíos van poder disfrutar xuntos d´un percorríu pela historia de la música moderna al traviés d´un xéneru musical tan averáu como ye´l Rock and Roll.

El público infantil participa y pásalo bien de la mesma manera que lo faen los padres y madres, blincando, cantando, glayando, baillando... En definitiva, participando xuntos d´un repasu a la historia del rock, dende´l so aniciu nel blues hasta los nuestros díes.

Dexái que los neños s´averen al rock ye´l lema col que los rapazos de Happening tán percorriendo los teatros d´España. Too ta llisto na Llaboral pa disfrutar d´esti gran espectáculu pa tola familia; namás faltes tu. ¿Apúnteste?