Parsons entamó nel mundu de la música cuando yera mozu como guitarrista de bandes de blues, pero nun foi hasta que consiguió trabayu como inxenieru de soníu a los 19 años nos famosos Abbey Road Studios cuando la so carrera empezó.

Anguaño ye conocíu mundialmente por participar en discos memorables como los dos últimos de los Beatles, Abbey Road (1969) y Let It Be (1970), pasando a trabayar después pa Paul McCartney ente munchos otros artistes. Pero foi col The Dark Side of the Moon (1973) de Pink Floyd cuando dio’l gran saltu, lo que lu llevó a trabayar como productor pa John Miles, Al Stewart o Steve Harley.

Depués d´una incursión pequeña nel teatru musical en 1990, The Alan Parsons Project dividióse, entamando asina la so carrera como solista, anque nun tuvo siempre solu. Escomenzó colos miembros del so vieyu proyectu, y de la que foi pasando´l tiempu la banda foi cambiando y reordenándose, lo que lu llevó a grabar hasta´l día de güei cinco álbumes d´estudiu: Thy Anything Once (1993), On Air (1996), The Time Machine (1999), A Valid Path (2004) y el más recién, The Secret (2019).