La Jamaicana ye´l títulu del nuevu single de Café Quijano incluyíu dientro del so álbum nuevu, Manhattan.

Cunta una historia d´amor, ¡o non!, surdida na casona d´un lord. Ellí, el protagonista conoz a una muyer xamaicana que lu namora llocamente, convirtiéndolu nun mar de satisfacciones y duldes.

Dende´l primer compás, el soníu ye inequívocamente Quijano, el de los sos primeros éxitos; y la trama cunta con esi llinguax peculiar que caracteriza toles composiciones del grupu.

Con esti cantar nuevu, dase pasu a lo que va ser la segunda parte del álbum superventes, publicáu nel añu 2001, La taberna del buda, coincidiendo, amás, col 20º  aniversariu de la so publicación.

Manhattan, ye la fiel y digna continuación… llena de soníu taberneru y con apasionantes histories que son puros curtiumetraxes.