L´infiernu yera Tricky… y el cielu tamién. Cuando publicó Maxinquaye, esi debú qu´entá sigue vixente 25 años depués, Adrian Nicholas Matthews yera un misteriu indescifrable, una criatura llegada de les solombres que se presentaba énte nós depués de caleyar al debalu per un purgatoriu ensin puerta de salida. ¿D’ónde venía Tricky?. La so música sensual y afrodisíaca, sicasí, yera daqué familiar que reconocimos nel intre: los impulsos qu´espertaba llevábamoslos dientro y abracémolos de siguío.

Ente l’infiernu y el cielu construyó´l so propiu llimbu p´ayudar a construyir el soníu Bristol. Portishead, Massive Attack y él foron les trés pates onde se llevantó´l trip-hop.