Nos meses de setiembre y ochobre cada xueves tenemos planificada una visita guiada.

Empezamos el 23 de setiembre con identidaes y descubriles va ser el filo conductor d´esti percorríu. Otra de les nuestres visites programaes ye José Ortiz Echague, consideráu como´l fotógrafu español más importante de la primer metá del sieglu XX. A lo llargo de la so vida realizó más de venticinco mil tomes y positivó más de mil copies. Con elles retrató una España en trance de desapaición, a metá de camín ente la señardá y la gana d´afitar y detener un tiempu que yá marchó. Les sos imáxenes rellaciónense cola xeneración lliteraria y pictórica del 98.

Hai que destacar tamién la visita equinocciu de seronda garrando como puntu de partida´l cuadru Na caleya, onde se va facer un percorríu per aquelles obres d´Evaristo Valle que puen enmarcase dientro d´esta estación del añu, amosando los contrastes ente´l mundu rural y l´urbanu. Y, p´acabar, la visita guiada de los nuestros xardinos históricos, mezcla de les tradiciones paisaxístiques inglesa y francesa. Cola seronda, los colores tiren a lo marrón, ámbar… Un momentu de cambéu importante p´árboles y matos pa disfrutar nuna estensión de 16.000 metros cuadraos que convida a perdese pelos sos requexos.