American Way de Rafa Fernández
Xixón, 09/09/2021 09:00
Artes Visuales
Del 9 de setiembre al 10 d’ochobre de 2021
Horariu de visita: de llunes a vienres de 9:00 a 21:00 h. Sábados de 10:00 a 14:00 y de 16:00 a 21:00 h. Domingos y festivos de 10:00 a 14:00 h.
Centru de Cultura Antiguu Institutu
C/ Xovellanos, 21
33201 Gijón / Xixón
T: 985 181 001
Preciu: de baldre
Proyectu de: Rafa Fernández
Viaxar ye conocer. En 1960, John Steinbeck descubrió que nun conocía´l propiu país y, col so perru Charley, entamó un periplu bien llargu per tierres estaunidenses. Nos viaxes de Rafa Fernández, la so compañera ye una Leica M6 que paez disparar al ritmu de blues o jazz. Les sos instantánees reconstruyen una topografía personal de tipos humanos, escenes de cai, carreteres, automóviles, gasolineres, cafeteríes, hoteles… Un inventariu en blanco y negro de los territorios transitaos.
La serie American Way desplaza la imaxinación del espectador al planeta americanu al traviés d´unes imáxenes nutríes de referencies musicales, lliteraries y, por descontao, fotográfiques. Robert Frank, Walker Evans, Garry Winogrand, William Eggleston… la llista ye llarga como llargos son los viaxes que requier América en palabres de Stephen Shore.