Una historia de amor bien guapa. Solo qu´esta ye especial porque trata de dos persones úniques en circunstancies escepcionales.

Antón Chéjov conoció a l´actriz Olga Knipper nuna llectura del Teatru del Arte de Moscú. Primero foron amigos, depués amantes y, a lo último, maríu y muyer. Nos seis años malpenes que duró la relación cruciaron más de 400 cartes. Al traviés d´elles, Carol Rocamora recrea, de manera emocionante y simpática, la historia de dos seres que se sienten, que nagüen ún pol otru y que se ven de menos y, al mesmu tiempu, asistimos a la creación de les grandes obres del autor rusu.

Una obra que la British Theatre Guide de Londres calificó de conmovedora y enllena d´humor fino.