La música popular nun entiende nin de fronteres nin de xeneraciones, pero sí d´entemecese y atopase nun camín común: la resignificación de la música que naz de la verdá. Eso ye lo que van facer, xuntos sobre l´escenariu, per un llau, los burgaleses Fetén Fetén, auténticos orfebres del cantar tradicional d´acentu más global y babélicu; y por otru, la familia francesa d´orixe surcoreanu Isaac et Nora, auténtiques maravíes a la de dotar de vida nueva´l cancioneru popular llatinoamericanu.

Xuntos van formar un solu proyectu sobre l´escenariu, entemeciendo, ente otres músiques, el repertoriu popular llatinoamericanu qu´Isaac & Nora cristalizó nel flamante y novísimu Latin & Love Studies col repertoriu tanto instrumental como cantable (lliteralmente: de los dos volumes de los sos Cantables) de Fetén Fetén, nuna xira que va llevalos per delles ciudaes españoles esta seronda.