Adriana Lecouvreur de Francesco Cilea. Una obra poco representada n´Uviéu onde dos muyeres, l´actriz Adriana Lecouvreur y la princesa de Bouillon, dispútense l’amor de Maurizio de Sajonia, mariscal del exércitu francés. Dellos malentendíos provoquen un enfrentamientu ente les dos muyeres. La intriga acaba cola muerte de l´actriz de la Comédie Française.

Ermonela Jaho, que debuta esti añu el rol na Ópera de Viena, va dar vida a Adriana. Nancy Fabiola Herrera va ser la rival amorosa, la Princesa de Bouillon, y Alejandro Roy será Maurizio de Sajonia. El maestru Daniele Callegari va tar nel podiu del Campoamor y Rosetta Cucchi dirixe escénicamente esta coproducción ente la Ópera d´Uviéu, el Teatru Comunale di Bologna y Sydney Opera House.