Circuitu d´actividaes de lliteratura

Esposición del poemariu ilustráu Una mitología. Seres y mitos del norte y alcuentru colos autores.

Delles veces, ye menester echar mano de la fantasía pa entender la realidá. Pero nestes páxines nun vas atopar ilusiones de cualquier clas, sinón seres míticos qu’alimentaron los nuestros suaños y velees, los nuestros cantares y lleendes dende va dellos sieglos. Vas conocer a personaxes enraigonaos nel norte de la Península –dende les ríes de Galicia a los montes del País Vascu–, como’l Busgosu, el Cocu o la Bruxa. Y, si yá los conocíes, vas descubrir otros, como’l Güercu, Freba o Zamparrampa.

Too de la mano del ilustrador Toño Velasco y del poeta Aurelio González Ovies que, con pincelaes o con versos, tresmiten y reinterpreten les histories de criatures, dacuando (cuasi siempre) caprichoses. Y, ¡munchu güeyu!, porque tou mitu pue reflexanos, formanos o deformanos nos sos espeyos...