Circuitu d´actividaes de lliteratura

L´actividá que se propón ye un alcuentru lliterariu col envís d´algamar públicos que nun tean necesariamente avezaos a la lliteratura escrita n´asturianu. Hai una parte primera de llectura de testos mesmo poéticos (escritos por Xaime Martínez nel poemariu Hibernia o inéditos) que narrativos (pertenecientes a rellatos curtios que tán espublizaos en revistes). Darréu, entama una charra abierta coles persones asistentes pa que puedan entrugar sobre coses que-yos llamaren más l´atención, o cuestionar el discursu del autor y, asina, deprender sobre´l funcionamientu del mundu lliterariu asturianu.