Circuitu d´actividaes de cultura tradicional asturiana

La obra empieza cuando una muyer -a la manera del ciegu tradicional- canta un romance.

Nesi momentu apaez un pelegrín que sal d’El Salvador y que s’atopa entós con otros pelegrinos que vuelven de Santiago.

Nel so pelegrinar conoz otres histories, otros personaxes, lleendes de diablos, milagros asocedíos, depriende con un bufón bien prestosu les característiques de los llugares que visita y los vecinos que lu acueyen. Nada de lo que vaiga asocediendo va ser quién a apartalu de la so meta, anque dalguna qu’otra diablura lo intente. Depués de munches aventures, el pelegrín llega a Santiago al Pórticu de la Gloria y, como yera’l so deséu, queda a los pies del Apóstol anque... –nun vamos dicir el desenllaz- la historia va siguir.