Circuitu d´actividaes musicales

Tradicionando ye un espectáculu de música, baille y cantares tradicionales qu´axunta simultáneamente nel escenariu, per primer vegada n´Asturies, a una banda de gaites, un grupu de baille tradicional, un grupu de música folk, cantantes de tonada y un grupu de pandereteres.

Nun mesmu espectáculu y escenariu amuésense toles vertientes de la cultura tradicional asturiana, percorriendo toles fasteres d´Asturies y poniendo en valor toles variantes musicales, llingüístiques y etnográfiques de les mesmes.

En Tradicionando espéyase tamién la perspeutiva vital del pueblu asturianu, representando dende una añada hasta un cantar de boda.