Circuitu d´actividaes de cultura tradicional asturiana

Fundamentos de Asturianada ye un recital de música antigua asturiana col sabor de lo clásico y del rigor históricu de la nuestra tonada. Trátase d´un viaxe musical pel pasáu recién de l´asturianada, basáu nel discu homónimu triple qu´Héctor Braga publicó nel 2019. Van interpretase asturianaes del repertoriu de los grandes clásicos (El Maragatu, Cuchichi, Miranda, Xuacu de Sama, Botón, Juanín de Mieres, etc.) na voz d´Héctor Braga, campeón de los concursos del ramu ente´l 2007 y 2015, músicu profesional y doctor en Musicoloxía pola Universidá d´Uviéu.