Circuitu de cultura tradicional asturiana

Esta actividá quier averar el mundu de l’alfarería tradicional asturiana a la ciudadanía. Pa eso quier realizase una doble acción teórica y práctica onde contestualizar esti oficiu artesanal fundamental de la cultura asturiana, conocer el so desenvolvimientu y situación actual, historia, formes y estudios. Pa eso va facese una esposición de pieces artesanales xunto a otra fotográfica sobre l’Alfarería de Faru que van valir de filo conductor pal conocimientu teóricu d’esti oficiu, sofitáu cola emisión d’un documental realizáu dende l’Asociación d’Amigos de l’Alfarería de Faru que va facer posible’l diálogu y debate posterior colos participantes. De manera paralela van dase a conocer los trabayos arqueolóxicos rellacionaos cola alfarería, tan importantes nel conocimientu de la nuestra historia, y el trabayu alfareru, con una muestra de práctiques col tornu, ellaborando delles pieces cola interactuación de toles persones participantes.