Llaboral Ciudá de la Cultura
Xixón, 30/09/2021 18:45
Artes Escéniques
Xénero: circo
Dirixío pa: tolos públicos
Duración: 80 minutos
Llaboral Ciudá de la Cultura
C/ Luis Moya Blanco, 261
33203 Gijón / Xixón
T: 902 306 600 / 985 185 860
Información Covid-19 pal públicu asistente a eventos na Llaboral
Preciu: fosu y patiu de butaques (files 1 a 10 incluyíu esclusivu siella de ruedes): 45 €. Patiu de butaques (files 11 a 20): 40 €. Palcos: 35 €. Anfiteatru: 25 €. Públicu infantil de 0 a 2 años que nun ocupe butaca: 1 €. Descuentu del 10 % pa socios del Club Cultura Asturies y Pasaporte Cultural hasta 21 díes enantes del empiezu de caúna de les sesiones, con límite de 100 unidaes.
Descuentos venta anticipada:
- 40 % de descuentu pa 30 de setiembre, 18:45 hores.
- 30 % de descuentos pa 1 d´ochobre, 18:45 hores; 2 d´ochobre, 16:30 hores; y 3 d´ochobre, 12:00 y 16:30 hores.
- 20 % de descuentu pa 2 d´ochobre, 16:30 y 19:30 hores.
Venta de entraes: Llaboral Ciudá de la Cultura, CITPA, Centru Niemeyer, 985 969 708 y Entraes Liberbank
Depués del gran éxitu de Circo de Hielo, Circlassica y Circo Mágico, Productores de Sonrisas presenta Clowns, un show nel que los espectadores van poder esfrutar con 5 visiones del humor, 5 miraes al absurdu, 5 clowns que van consiguir convertir la poesía en risa.
Gensi y Isa, los Carablanca maestros de ceremonies, van tratar d´ordenar les llocures del restu de Clowns, ente los que vamos descubrir a Davis Vassallo, un director d´orquesta funambulista; a Luigi, un traviesu inventor musical; y al más gamberru de toos, Housch Ma-Housch, un clown que tien como entretenimientu favoritu salise del guion.
Toos ellos, cola compañía de la elegante equilibrista Klaudia, van ser los encargaos de treslladar al espectador a un mundu onde´l xestu pasa a ser sorrisa y la sorrisa, una bona risada.
Clowns naz pa recordar al públicu lo necesario que ye rir, glayar, aplaudir y compartir colos tuyos momentos inolvidables. Encamiéntase que´l públicu prepare la so meyor sorrisa porque ye l´espectáculu con más diversión y poesía de los últimos tiempos.
Feches y horarios
- Xueves 30 de setiembre del 2021, 18:45 hores.
- Vienres 1 d´ochobre del 2021, 18:45 hores.
- Sábadu 2 d´ochobre del 2021, 16:30 y 19:30 hores.
- Domingu 3 d´ochobre del 2021, 12:00 y 16:30 hores.