Ortiz Echagüe foi unu de los autores clave na historia de la fotografía española. Depués d´estudiar inxeniería militar na Academia de Guadalaxara, desenvolvió la so carrera profesional como inxenieru, primero nel exércitu y depués como empresariu independiente, al mandu de la empresa aeronáutica CASA dende 1923 y como presidente de SEAT dende 1950. Al tiempu, llevó a cabu un intensu trabayu fotográficu y otru factor –la técnica– marcó´l trabayu fotográficu d´Ortiz Echagüe: diba trabayar el carbón directo sobre papel Fresson, una técnica que da a les sos imáxenes un aspectu bien característicu.