LATE Asturias (Los Amigos de Thionck Essyl de Asturias) ye una ONG de cooperación internacional que dende´l 2007 realiza proyectos en Senegal, concretamente en Thionck Essyl (d´ehí´l nome), rexón de Casamance. Tamién lleven a cabu, cada añu, un proyectu de sensibilización per toa Asturies coles mires de promover la xusticia social y la solidaridá dando a conocer les causes de les desigualdaes nel mundu y la situación de probeza que sufren los países más desfavorecíos.

La obra de teatru Malaika, la princesa.

De la mano de la compañía de teatru La sonrisa del lagarto lléganos Malaika. Ye la historia d´una neña africana, princesa d´una menada d´elefantes que, nun llargu viaxe p´alcontrar los bebederos d´agua, va topase con grandes peligros, va conocer los Baobabs sagraos y va enfrentase a una de les más difíciles pruebes al empar qu´un gran aprendimientu, entender que la memoria ye la clave de la supervivencia de los elefantes.

Duración: 40 minutos.

Proyección del curtiu Pequeños pasos de Lay Badji.

Lay Badji ye un neñu de 3 años que vive en Thionck Essyl, Senegal, y que fai les coses d´un neñu de 3 años con so madre, que s´encarga del so cuidáu, de la casa, de la güerta… El curtiu muestra cómo ye esti pueblu y la vida de la xente.

Duración: 10-11 minutos.