El horizonte en una esquina. La pintura de Ventura Álvarez Sala. 50 Aniversariu Muséu Casa Natal de Xovellanos
Xixón, 01/07/2021 09:30
Museos y Equipamientos
Del 1 de xunetu al 3 d´ochobre de 2021
Horariu de visita: de martes a vienres 9:30 a 14:00 y de 17:00 a 19:30 h. Sábados, domingos y festivos: de 10:00 a 14:00 y de 17:00 a 19:30 h.
Zarráu: tolos llunes. 1 y 6 de xineru, martes antroxu, 15 d´agostu, 24, 25 y 31 d´avientu.
Muséu Casa Natal de Xovellanos
Plaza de Xovellanos, s/n
33201 Gijón / Xixón
T: 985 185 152
La esposición dedicada a Ventura Álvarez Sala pon l´acentu nel programa d´esposiciones temporales celebraes nel Muséu, qu´empecipia nos años setenta col ciclu monográficu Pintores Asturianos.
Pescadores de marisco, de Ventura Álvarez Sala, forma parte de la colección municipal dende 1932, y constituye un referente del muséu dende la so inauguración. Sobre esta obra que l´artista pinta pa la Esposición Nacional de 1912, propónse un percorríu pola so trayectoria artística centráu na so visión d´Asturies. De la mesma xeneración qu´Evaristo Valle y Nicanor Piñole, frente a ellos, representa una visión más tradicional de la pintura, cultivando un estilu realista y destacando nel cuadru de costumes de temática social. Nes sos composiciones d´altos horizontes, convierte al mediu asturianu en protagonista principal y fai de la vida marinera y llabradora motivu continuu d´inspiración pa la so obra.
