Circuitu de música

Nesta propuesta preséntase’l proyectu Anabel Santiago Trío (voz, guitarra y pianu). Ye un conciertu íntimu y cercanu pa un aforu pequeñu de persones. Nesti conciertu va facese un repasu pela música tradicional, revisitada y reversionada con estilos estremaos de cantares asturianos, gallegos, ibéricos y portugueses. Dientro del repertoriu, hai cantares dedicaos a la emigración, como ye La Lloca (Premiu al Meyor cantar en Llingua Asturiana 2016), Adiós Ríos, adiós fontes, cantar poema de Rosalía de Castro, o Miña Basoira, cantar tradicional de Miranda de l Douro, ente otros. La idea ye axuntar dellos estilos y xéneros de la música tradicional non solo d’Asturies, sinón de tolos territorios que guarden dalguna conexón con Asturies tanto a nivel musical, como identitaria y llingüística.